us mulaqat ki wo ghaDi yaad hai

us mulāqāt kī vo ghaḌī yaad hai

tujh pe pahlī nazar jo paḌī yaad hai

is taraf maiñ thī aur us taraf tū khaḌā

pīchhe paTrī pe gaaḌī khaḌī yaad hai

tujh se milnā thā jis din mujhe jān-e-jāñ

dhuup us din bahut thī kaḌī yaad hai

ek cafe kī kursī pe baiThī thī maiñ

mez par ek botal paḌī yaad hai

tū ne uñglī kī poroñ se chūmī kamar

jis pe merī thī rangat uḌī yaad hai

tez-raftār sāñseñ thiiñ tham sī ga.iiñ

lab se lab kī milī pankhuḌī yaad hai

us mulaqat ki wo ghaDi yaad hai

tujh pe pahli nazar jo paDi yaad hai

is taraf main thi aur us taraf tu khaDa

pichhe paTri pe gaDi khaDi yaad hai

tujh se milna tha jis din mujhe jaan-e-jaan

dhup us din bahut thi kaDi yaad hai

ek cafe ki kursi pe baiThi thi main

mez par ek botal paDi yaad hai

tu ne ungli ki poron se chumi kamar

jis pe meri thi rangat uDi yaad hai

tez-raftar sansen thin tham si gain

lab se lab ki mili pankhuDi yaad hai