usne aabaad kiya shahr-e-wafa dil ki tarah

us ne ābād kiyā shahr-e-vafā dil kī tarah

aa.ī girte hue ik ghar se sadā dil kī tarah

ḳhuun chhuptā sā chalā jaatā hai aflāk-tā-ḳhāk

ḳhārzāroñ se guzartī hai sabā dil kī tarah

kis tarah geñd chalī jaatī hai ghar se bāhar

khilkhilāte hue bachchoñ ne kahā dil kī tarah

aql kī tarheñ khuleñgī to ḳhabar aa.egī

ham paḌe hoñge kisī aur jagah dil kī tarah

pichhle mausam meñ ka.ī saath the rone vaale

ab to har shor hī ḳhāmosh huā dil kī tarah

kuchh nayā rang na.ī tarz-e-suḳhan laao 'kumār'

rote phirte ho ye kyā dil kī tarah dil kī tarah

us ne aabaad kiya shahr-e-wafa dil ki tarah

aai girte hue ek ghar se sada dil ki tarah

KHun chhupta sa chala jata hai aflak-ta-KHak

KHarzaron se guzarti hai saba dil ki tarah

kis tarah gend chali jati hai ghar se bahar

khilkhilate hue bachchon ne kaha dil ki tarah

aql ki tarhen khulengi to KHabar aaegi

hum paDe honge kisi aur jagah dil ki tarah

pichhle mausam mein kai sath the rone wale

ab to har shor hi KHamosh hua dil ki tarah

kuchh naya rang nai tarz-e-suKHan lao 'kumar'

rote phirte ho ye kya dil ki tarah dil ki tarah