usne jab tark-e-mohabbat ki wazahat nahin di

us ne jab tark-e-mohabbat kī vazāhat nahīñ dī

ham ne bhī pūchh ke us shaḳhs ko zahmat nahīñ dī

aañkh sahtī rahī ik dard ke manzar kī chubhan

dil vo sābir thā ki rone kī ijāzat nahīñ dī

muntazir dar pe na thā koī to phir ham ne bhī

band darvāze ko dastak kī aziyyat nahīñ dī

ye tahī-dastī milī ishq meñ mehnat ke evaz

us mahājan ne bhī mazdūr ko ujrat nahīñ dī

raat to kaT ga.ī ik dard ke hangāmoñ meñ

shikva ye hai ki hameñ sub.h ne rāhat nahīñ dī

sar pe rakkhā gayā ik bār-e-mashaqqat ik umr

itnī āsānī se qadmoñ tale jannat nahīñ dī

us ne jab tark-e-mohabbat ki wazahat nahin di

hum ne bhi puchh ke us shaKHs ko zahmat nahin di

aankh sahti rahi ek dard ke manzar ki chubhan

dil wo sabir tha ki rone ki ijazat nahin di

muntazir dar pe na tha koi to phir hum ne bhi

band darwaze ko dastak ki aziyyat nahin di

ye tahi-dasti mili ishq mein mehnat ke ewaz

us mahajan ne bhi mazdur ko ujrat nahin di

raat to kaT gai ek dard ke hangamon mein

shikwa ye hai ki hamein subh ne rahat nahin di

sar pe rakkha gaya ek bar-e-mashaqqat ek umr

itni aasani se qadmon tale jannat nahin di