usne kaha kaba tera maine kaha chehra tera
usne kaha kaba tera maine kaha chehra tera
Maharaja Sir Kishan Parashad Shad
MORE BYMaharaja Sir Kishan Parashad Shad
us ne kahā ka.aba tirā maiñ ne kahā chehrā tirā
us ne kahā chehrā tirā maiñ ne kahā jalvā tirā
us ne kahā jiinā tirā maiñ ne kahā hastī tirī
us ne kahā marnā tirā maiñ ne kahā pardā tirā
us ne kahā kyā kaam hai maiñ ne kahā har vaqt diid
us ne kahā kyā shaġhl hai maiñ ne kahā saudā tirā
us ne kahā kyā kufr hai maiñ ne kahā gesū tire
us ne kahā islām kyā maiñ ne kahā chehrā tirā
us ne kahā dil kyā huā maiñ ne kahā tū ne liyā
us ne kahā kyā chor huuñ maiñ ne kahā ġhamza tirā
us ne kahā mandir hai kyā maiñ ne kahā tū hī to hai
us ne kahā qismat tirī maiñ ne kahā manshā tirā
us ne kahā ḳhidmat tirī maiñ ne kahā hai bandagī
us ne kahā hai naam kyā maiñ ne kahā bandā tirā
us ne kahā vo kaun thā ḳhalvat meñ ḳhvāhān-e-visāl
maiñ ne kahā ye 'shād' thā āshiq tirā shaidā tirā
us ne kaha kaba tera main ne kaha chehra tera
us ne kaha chehra tera main ne kaha jalwa tera
us ne kaha jina tera main ne kaha hasti teri
us ne kaha marna tera main ne kaha parda tera
us ne kaha kya kaam hai main ne kaha har waqt did
us ne kaha kya shaghl hai main ne kaha sauda tera
us ne kaha kya kufr hai main ne kaha gesu tere
us ne kaha islam kya main ne kaha chehra tera
us ne kaha dil kya hua main ne kaha tu ne liya
us ne kaha kya chor hun main ne kaha ghamza tera
us ne kaha mandir hai kya main ne kaha tu hi to hai
us ne kaha qismat teri main ne kaha mansha tera
us ne kaha KHidmat teri main ne kaha hai bandagi
us ne kaha hai nam kya main ne kaha banda tera
us ne kaha wo kaun tha KHalwat mein KHwahan-e-visal
main ne kaha ye 'shad' tha aashiq tera shaida tera
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
