usne nigah-e-lutf-e-karam bar bar ki

us ne nigāh-e-lutf-e-karam baar baar kī

ab ḳhairiyat nahīñ hai dil-e-be-qarār kī

Dar ye hai khul na jaa.e kahīñ rāz-e-ishq bhī

nibhne lagī hai un se mire rāzdār kī

sab ke nasīb meñ hai kahāñ mauj-e-dard-o-ġham

maḳhsūs haiñ ināyateñ parvardigār kī

yādoñ kī anjuman meñ unheñ bhī bulā liyā

ik shaam yuuñ bhī ham ne bahut yādgār kī

jab ham hī fasl-e-gul meñ chaman se nikal ga.e

phir kyuuñ sunā rahe ho kahānī bahār kī

'zākir' ham apnā dil bhī vahīñ chhoḌ aa.e haiñ

kis darja pur-kashish thī fazā us dayār kī

us ne nigah-e-lutf-e-karam bar bar ki

ab KHairiyat nahin hai dil-e-be-qarar ki

Dar ye hai khul na jae kahin raaz-e-ishq bhi

nibhne lagi hai un se mere raazdar ki

sab ke nasib mein hai kahan mauj-e-dard-o-gham

maKHsus hain inayaten parwardigar ki

yaadon ki anjuman mein unhen bhi bula liya

ek sham yun bhi hum ne bahut yaadgar ki

jab hum hi fasl-e-gul mein chaman se nikal gae

phir kyun suna rahe ho kahani bahaar ki

'zakir' hum apna dil bhi wahin chhoD aae hain

kis darja pur-kashish thi faza us dayar ki