usne socha hi nahin tha kabhi aisa hoga

us ne sochā hī nahīñ thā kabhī aisā hogā

vaqt kā us ke bhī muñh par ye tamācha hogā

tum jo har baat pe kahte ho hamārī marzī

ham bhī marzī pe utar aa.eñ to kaisā hogā

aap ā.eñge mire zaḳhmoñ kī pursish ke liye

ye bhī ummīd nahīñ aap se aisā hogā

tum jo bohtān lagāne pe tule ho to suno

ham bhī ḳhāmosh na baiTheñge tamāsha hogā

kis ke kahne pe kiyā tark-e-ta'alluq tum ne

ham bhī dekheñge yahāñ kaun tumhārā hogā

gardish-e-daurāñ ham is aas pe jiite haiñ yahāñ

āsmāñ par kabhī apnā bhī sitārā hogā

'ain mumkin thā ki ham 'ishq meñ rakhte na qadam

kyā ḳhabar thī kī 'asar' itnā ḳhasārā hogā

us ne socha hi nahin tha kabhi aisa hoga

waqt ka us ke bhi munh par ye tamacha hoga

tum jo har baat pe kahte ho hamari marzi

hum bhi marzi pe utar aaen to kaisa hoga

aap aaenge mere zaKHmon ki pursish ke liye

ye bhi ummid nahin aap se aisa hoga

tum jo bohtan lagane pe tule ho to suno

hum bhi KHamosh na baiThenge tamasha hoga

kis ke kahne pe kiya tark-e-ta'alluq tum ne

hum bhi dekhenge yahan kaun tumhaara hoga

gardish-e-dauran hum is aas pe jite hain yahan

aasman par kabhi apna bhi sitara hoga

'ain mumkin tha ki hum 'ishq mein rakhte na qadam

kya KHabar thi ki 'asar' itna KHasara hoga