us pari-ru ne na mujhse hai nibahi kya karun
us pari-ru ne na mujhse hai nibahi kya karun
Mirza Mohammad Taqi Hawas
MORE BYMirza Mohammad Taqi Hawas
us parī-rū ne na mujh se hai nibāhī kyā karūñ
sar kidhar paTkūñ kidhar jā.ūñ ilāhī kyā karūñ
vasl kā din hai vale āñkhoñ ke mere sāmne
hai khaḌī shab-hā-e-hijrāñ kī siyāhī kyā karūñ
taḳhta taḳhta ho gayā tūfāñ meñ aa kar jahāñ
tum se ai yaar bayāñ apnī tabāhī kyā karūñ
hai to vo dushman pe mahzar dekh kar ḳhuun kā mire
sochtā hai is pe meñ apnī gavāhī kyā karūñ
TukḌe TukḌe dil huā jaatā hai pahlū meñ 'havas'
zab.h kartī hai butāñ kī kam-nigāhī kyā karūñ
us pari-ru ne na mujh se hai nibahi kya karun
sar kidhar paTkun kidhar jaun ilahi kya karun
wasl ka din hai wale aankhon ke mere samne
hai khaDi shab-ha-e-hijran ki siyahi kya karun
taKHta taKHta ho gaya tufan mein aa kar jahan
tum se ai yar bayan apni tabahi kya karun
hai to wo dushman pe mahzar dekh kar KHun ka mere
sochta hai is pe mein apni gawahi kya karun
TukDe TukDe dil hua jata hai pahlu mein 'hawas'
zabh karti hai butan ki kam-nigahi kya karun
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
