us raunat se wo jite hain ki marna hi nahin

us ra.ūnat se vo jiite haiñ ki marnā hī nahīñ

taḳht par baiThe haiñ yuuñ jaise utarnā hī nahīñ

yuuñ mah-o-anjum kī vaadī meñ uḌe phirte haiñ vo

ḳhaak ke zarroñ pe jaise paañv dharnā hī nahīñ

un kā da.avā hai ki sūraj bhī unhī kā hai ġhulām

shab jo ham par aa.ī hai us ko guzarnā hī nahīñ

kyā ilaaj us kā agar ho mudda.ā un kā yahī

ehtimām rañg-o-bū gulshan meñ karnā hī nahīñ

zulm se haiñ barsar-e-paikār āzādī-pasand

un pahāḌoñ meñ jahāñ par koī jharnā hī nahīñ

dil bhī un ke haiñ siyah ḳhūrāk-e-zindāñ kī tarah

un se apnā ġham bayāñ ab ham ko karnā hī nahīñ

intihā kar leñ sitam kī log abhī haiñ ḳhvāb meñ

jaag uTThe jab log to un ko Thaharnā hī nahīñ

us raunat se wo jite hain ki marna hi nahin

taKHt par baiThe hain yun jaise utarna hi nahin

yun mah-o-anjum ki wadi mein uDe phirte hain wo

KHak ke zarron pe jaise panw dharna hi nahin

un ka dawa hai ki suraj bhi unhi ka hai ghulam

shab jo hum par aai hai us ko guzarna hi nahin

kya ilaj us ka agar ho muddaa un ka yahi

ehtimam rang-o-bu gulshan mein karna hi nahin

zulm se hain barsar-e-paikar aazadi-pasand

un pahaDon mein jahan par koi jharna hi nahin

dil bhi un ke hain siyah KHurak-e-zindan ki tarah

un se apna gham bayan ab hum ko karna hi nahin

intiha kar len sitam ki log abhi hain KHwab mein

jag uTThe jab log to un ko Thaharna hi nahin