us se mil kar bhi raha pyasa to phir

us se mil kar bhī rahā pyāsā to phir

vo na ban paayā agar dariyā to phir

aa.ina sach boltā hai sach hai ye

vo jo shoḳhī par utar aaya to phir

aisā vaisā sochtā rahtā huuñ maiñ

aisā vaisā us ne bhī sochā to phir

vo na Tālegā mirī is baat ko

us ne majbūran agar Taalā to phir

jis kī ḳhātir jūjhtā rahtā huuñ maiñ

zindagī hī meñ use paayā to phir

merā kyā majnūñ abhī ban jā.ūñgā

vo na ban paa.ī agar lailā to phir

maiñ samajhtā huuñ jise muḳhlis mirā

āstīñ kā saañp vo niklā to phir

ruk zarā ai dil abhī to bhiiḌ hai

vo jab ho jā.egā jo tanhā to phir

sard-'sho.ala' jaan kar chheḌo na tum

be-irāda maiñ agar bhaḌkā to phir

us se mil kar bhi raha pyasa to phir

wo na ban paya agar dariya to phir

aaina sach bolta hai sach hai ye

wo jo shoKHi par utar aaya to phir

aisa waisa sochta rahta hun main

aisa waisa us ne bhi socha to phir

wo na Talega meri is baat ko

us ne majburan agar Tala to phir

jis ki KHatir jujhta rahta hun main

zindagi hi mein use paya to phir

mera kya majnun abhi ban jaunga

wo na ban pai agar laila to phir

main samajhta hun jise muKHlis mera

aastin ka sanp wo nikla to phir

ruk zara ai dil abhi to bhiD hai

wo jab ho jaega jo tanha to phir

sard-'shoala' jaan kar chheDo na tum

be-irada main agar bhaDka to phir