us se ye baat bhi puchhunga kabhi mil kar ke

us se ye baat bhī pūchhūñgā kabhī mil kar ke

tere siine meñ koī chiiz hai kyā dil kar ke

yaar aa.e the mire yuuñ to madad ko lekin

chal diye kaam mirā aur bhī mushkil kar ke

ye mohabbat kā election hai bhalā kyā laḌnā

donoñ sarkār banā leñge chalo mil kar ke

maiñ huuñ vo ḳhvāb jo mahdūd rahā āñkhoñ meñ

us ne dekhā nahīñ dil meñ kabhī dāḳhil kar ke

tujh se milne ko kiye itne vazīfe maiñ ne

log ab mujh ko chiḌhāne lage aa mil kar ke

mujh se shohrat to abhī duur bahut hai lekin

maiñ bhī ik roz rahūñgā tujhe hāsil kar ke

jā ke ik baar masīhā se ye kah de koī

terā bīmār to mar jā.egā til til kar ke

is se pahle maiñ adhūrī sī koī shai thā magar

rakh diyā mujh ko tire 'ishq ne kāmil kar ke

tum se vo pūchhne ā.eñge kisī din yaaro

koī dīvāna thā shā'ir yahāñ 'sāhil' kar ke

us se ye baat bhi puchhunga kabhi mil kar ke

tere sine mein koi chiz hai kya dil kar ke

yar aae the mere yun to madad ko lekin

chal diye kaam mera aur bhi mushkil kar ke

ye mohabbat ka election hai bhala kya laDna

donon sarkar bana lenge chalo mil kar ke

main hun wo KHwab jo mahdud raha aankhon mein

us ne dekha nahin dil mein kabhi daKHil kar ke

tujh se milne ko kiye itne wazife main ne

log ab mujh ko chiDhane lage aa mil kar ke

mujh se shohrat to abhi dur bahut hai lekin

main bhi ek roz rahunga tujhe hasil kar ke

ja ke ek bar masiha se ye kah de koi

tera bimar to mar jaega til til kar ke

is se pahle main adhuri si koi shai tha magar

rakh diya mujh ko tere 'ishq ne kaamil kar ke

tum se wo puchhne aaenge kisi din yaro

koi diwana tha sha'ir yahan 'sahil' kar ke