us shab-e-be-sahar ki KHair nahin

us shab-e-be-sahar kī ḳhair nahīñ

varna shams-o-qamar kī ḳhair nahīñ

phir ga.e din jalī huī kaliyo

aaj barq-o-sharar kī ḳhair nahīñ

likh to dī haiñ kharī kharī bāteñ

lekin ab nāma-bar kī ḳhair nahīñ

yā to piñjre kī shāmat aa.ī hai

yā mire bāl-o-par kī ḳhair nahīñ

jab shayātīn ban rahe haiñ ḳhudā

yaañ kisī bahr-o-bar kī ḳhair nahīñ

aise-vaisoñ se kyā ḳhatar un ko

sirf ahl-e-nazar kī ḳhair nahīñ

der bas ik nigāh-e-ḳhās kī hai

dil kī siine kī sar kī ḳhair nahīñ

us shab-e-be-sahar ki KHair nahin

warna shams-o-qamar ki KHair nahin

phir gae din jali hui kaliyo

aaj barq-o-sharar ki KHair nahin

likh to di hain khari khari baaten

lekin ab nama-bar ki KHair nahin

ya to pinjre ki shamat aai hai

ya mere baal-o-par ki KHair nahin

jab shayatin ban rahe hain KHuda

yan kisi bahr-o-bar ki KHair nahin

aise-waison se kya KHatar un ko

sirf ahl-e-nazar ki KHair nahin

der bas ek nigah-e-KHas ki hai

dil ki sine ki sar ki KHair nahin