us shoKH ko mail-ba-wafa dekh raha hun
us shoḳh ko mā.il-ba-vafā dekh rahā huuñ
kyā baat hai yā-rab ye maiñ kyā dekh rahā huuñ
dekhe to koī zauq-e-nazar kā ye tamāshā
maiñ parda-e-zulmat meñ ziyā dekh rahā huuñ
har chiiz haqīqat meñ hai vābasta-e-markaz
har chiiz ko markaz se judā dekh rahā huuñ
is jalve ne ehsān kiyā jab se nazar par
har shai meñ ise jalva-numā dekh rahā huuñ
har shaḳhs hai dīvāna yahāñ apnī ġharaz kā
ye kaisī zamāne kī havā dekh rahā huuñ
jo shaḳhs hai fir.aun hai jo banda hai namrūd
duniyā meñ hazāroñ hī ḳhudā dekh rahā huuñ
kyā dekh rahā huuñ ye kahūñ kyā maiñ kisī se
ḳhud soch meñ huuñ ġharq maiñ kyā dekh rahā huuñ
us shoḳh kī har baat dil-āvez hai ya.anī
har baat meñ ik lutf nayā dekh rahā huuñ
ma.alūm nahīñ ishq kise kahte haiñ 'shaidā'
dil meñ magar ik hashr bapā dekh rahā huuñ
us shoKH ko mail-ba-wafa dekh raha hun
kya baat hai ya-rab ye main kya dekh raha hun
dekhe to koi zauq-e-nazar ka ye tamasha
main parda-e-zulmat mein ziya dekh raha hun
har chiz haqiqat mein hai wabasta-e-markaz
har chiz ko markaz se juda dekh raha hun
is jalwe ne ehsan kiya jab se nazar par
har shai mein ise jalwa-numa dekh raha hun
har shaKHs hai diwana yahan apni gharaz ka
ye kaisi zamane ki hawa dekh raha hun
jo shaKHs hai firaun hai jo banda hai namrud
duniya mein hazaron hi KHuda dekh raha hun
kya dekh raha hun ye kahun kya main kisi se
KHud soch mein hun gharq main kya dekh raha hun
us shoKH ki har baat dil-awez hai yani
har baat mein ek lutf naya dekh raha hun
malum nahin ishq kise kahte hain 'shaida'
dil mein magar ek hashr bapa dekh raha hun
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.