use to meri mohabbat ka pas tha hi nahin

use to merī mohabbat kā paas thā hī nahīñ

vo ro rahā thā magar vo udaas thā hī nahīñ

hamāre paas mohabbat thī so use sauñpī

jo māñgtā vo rahā mere paas thā hī nahīñ

bayān us ne kahānī hamāre naam se kī

hamāre zehn meñ vaisā qayās thā hī nahīñ

hamāre paas jo aayā lahū lahū thā vo

hamāre tan pe bhī koī libās thā hī nahīñ

bichhaḌ ke dil meñ bahut se ḳhayāl aate haiñ

junūn-e-ishq meñ koī hirās thā hī nahīñ

sarāhte hī ga.e log mujh ko mahfil meñ

kalām merā magar us ko raas thā hī nahīñ

ye ḳhvāb kyā hai ki us se hī duur hotā huuñ

vo kārvāñ jo mire ās-pās thā hī nahīñ

hamī ne aañkh se dariyā nikāl rakkhā thā

magar vo dil ki mohabbat-shanās thā hī nahīñ

use to meri mohabbat ka pas tha hi nahin

wo ro raha tha magar wo udas tha hi nahin

hamare pas mohabbat thi so use saunpi

jo mangta wo raha mere pas tha hi nahin

bayan us ne kahani hamare nam se ki

hamare zehn mein waisa qayas tha hi nahin

hamare pas jo aaya lahu lahu tha wo

hamare tan pe bhi koi libas tha hi nahin

bichhaD ke dil mein bahut se KHayal aate hain

junun-e-ishq mein koi hiras tha hi nahin

sarahte hi gae log mujh ko mahfil mein

kalam mera magar us ko ras tha hi nahin

ye KHwab kya hai ki us se hi dur hota hun

wo karwan jo mere aas-pas tha hi nahin

hami ne aankh se dariya nikal rakkha tha

magar wo dil ki mohabbat-shanas tha hi nahin