usi ke kahne pe munhasir hai

usī ke kahne pe munhasir hai

ye saarā us kī sar-e-rāh par hai

kamāl-e-dād us ko is qadar hai

ye zor us kī hī vaah par hai

kahāñ kahāñ kis ko kyā milegā

ye faisla sarbarāh par hai

kisī kī āñkhoñ ke ashk par hai

kisī ke hoñToñ kī aah par hai

badal to luuñ rāsta magar phir

nazar abhī zād-e-rāh par hai

chalegā ab kitnī duur tak tū

ye apne zor-e-nibāh par hai

har ek mehvar har ek markaz

abhī tak us kaj-kulāh par hai

vo baḳhsh de chāhe maar Daale

ye faisla aaj shaah par hai

kahāñ se palTe kahāñ pe Thahre

ye munhasir ab nigāh par hai

lo aaj Dūbeñ ki paar utreñ

ye sab to 'mumtāz' chaah par hai

usi ke kahne pe munhasir hai

ye sara us ki sar-e-rah par hai

kamal-e-dad us ko is qadar hai

ye zor us ki hi wah par hai

kahan kahan kis ko kya milega

ye faisla sarbarah par hai

kisi ki aankhon ke ashk par hai

kisi ke honTon ki aah par hai

badal to lun rasta magar phir

nazar abhi zad-e-rah par hai

chalega ab kitni dur tak tu

ye apne zor-e-nibah par hai

har ek mehwar har ek markaz

abhi tak us kaj-kulah par hai

wo baKHsh de chahe mar Dale

ye faisla aaj shah par hai

kahan se palTe kahan pe Thahre

ye munhasir ab nigah par hai

lo aaj Duben ki par utren

ye sab to 'mumtaz' chah par hai