usi ke pyar ko dil se nikal rakkha hai

usī ke pyaar ko dil se nikāl rakkhā hai

hamesha jis ne hamārā ḳhayāl rakkhā hai

vagarna TuuT ke kab kā bikhar gayā hotā

ḳhayāl-e-yār ne dil ko sambhāl rakkhā hai

magar haiñ dīda-e-bīnā ko ham sameTe hue

hamāre aage hamārā ma.aal rakkhā hai

chale bhī aao ki ham ne dayār-e-ġhair meñ bhī

sabīl DhūñD lī rasta nikāl rakkhā hai

shikasta-ḳhvāb muqaddar kahīñ na ban jaa.eñ

ḳhudā-e-vaqt ne va.adoñ pe Taal rakkhā hai

azal ke din se 'mubārak' havāoñ kī zad par

mirā vajūd diye kī misāl rakkhā hai

usi ke pyar ko dil se nikal rakkha hai

hamesha jis ne hamara KHayal rakkha hai

wagarna TuT ke kab ka bikhar gaya hota

KHayal-e-yar ne dil ko sambhaal rakkha hai

magar hain dida-e-bina ko hum sameTe hue

hamare aage hamara maal rakkha hai

chale bhi aao ki hum ne dayar-e-ghair mein bhi

sabil DhunD li rasta nikal rakkha hai

shikasta-KHwab muqaddar kahin na ban jaen

KHuda-e-waqt ne wadon pe Tal rakkha hai

azal ke din se 'mubarak' hawaon ki zad par

mera wajud diye ki misal rakkha hai