usi ne aadam ke naqsh-e-pa ko azal kiya tha bharam rakha tha

usī ne aadam ke naqsh-e-pā ko azal kiyā thā bharam rakhā thā

zamīñ pe jalva-fagan na ho kar bhī jis ne pahlā qadam rakhā thā

ham ek tartīb se tumhārī udaas nazmoñ pe ro chuke haiñ

ki āñsuoñ aur ḳhuun ke beach DeḌh siskī kā sam rakhā thā

za.iif vaqtoñ meñ apne kumbe kī zimmedārī uThā.ī ham ne

tumhāre abbū ne muñh dikhā.ī meñ is hathelī pe ġham rakhā thā

inhī guloñ se ab āThvīñ sur kī mīThī āvāz aa rahī hai

jinhoñ ne hijrāñ kī raat larzish ke ḳhaas unsur ko kam rakhā thā

use batānā ki apne dariyāoñ kī hifāzat ke kaam aa.e

vo peḌ kashtī bane hue haiñ jinhoñ ne sahrā meñ nam rakhā thā

usi ne aadam ke naqsh-e-pa ko azal kiya tha bharam rakha tha

zamin pe jalwa-fagan na ho kar bhi jis ne pahla qadam rakha tha

hum ek tartib se tumhaari udas nazmon pe ro chuke hain

ki aansuon aur KHun ke beach DeDh siski ka sam rakha tha

zaif waqton mein apne kumbe ki zimmedari uThai hum ne

tumhaare abbu ne munh dikhai mein is hatheli pe gham rakha tha

inhi gulon se ab aaThwin sur ki miThi aawaz aa rahi hai

jinhon ne hijran ki raat larzish ke KHas unsur ko kam rakha tha

use batana ki apne dariyaon ki hifazat ke kaam aae

wo peD kashti bane hue hain jinhon ne sahra mein nam rakha tha