usi qatil ka sine mein tere KHanjar raha hoga

usī qātil kā siine meñ tere ḳhanjar rahā hogā

ki jo chhup kar bahut ehsās ke andar rahā hogā

na jaane kis tarah ḳhāmosh dariyā meñ machī halchal

nigāhoñ meñ tirī shāyad koī kankar rahā hogā

dar-o-dīvār se aañsū Tapakte haiñ lahū ban kar

isī kamre meñ armānoñ kā ik bistar rahā hogā

kahīñ simTā hai sannāTe kī chādar oḌh kar dekho

kabhī bastī meñ vo bhī khilkhilātā ghar rahā hogā

tumheñ bhī ho gayā dhokā zamīñ kī in darāroñ se

samajh baiThe hamesha hī ye dil banjar rahā hogā

rahūñ ḳhāmosh maiñ phir bhī fasāna ban hī jaatā hai

tire dil meñ kisī aḳhbār kā daftar rahā hogā

mujhe shohrat 'atā kī zahar-e-rusvā.ī kā paikar bhī

mire vālid ke bhītar bhī koī shankar rahā hogā

tirī buniyād meñ shāmil ka.ī mā'sūm chīḳheñ haiñ

'imārat ban rahī hogī to kyā manzar rahā hogā

sunā hai aap ke dil meñ ravāñ hone lagī nafrat

yaqīnan bad-gumāñ 'parimal' koī shā'ir rahā hogā

usi qatil ka sine mein tere KHanjar raha hoga

ki jo chhup kar bahut ehsas ke andar raha hoga

na jaane kis tarah KHamosh dariya mein machi halchal

nigahon mein teri shayad koi kankar raha hoga

dar-o-diwar se aansu Tapakte hain lahu ban kar

isi kamre mein armanon ka ek bistar raha hoga

kahin simTa hai sannaTe ki chadar oDh kar dekho

kabhi basti mein wo bhi khilkhilata ghar raha hoga

tumhein bhi ho gaya dhoka zamin ki in dararon se

samajh baiThe hamesha hi ye dil banjar raha hoga

rahun KHamosh main phir bhi fasana ban hi jata hai

tere dil mein kisi aKHbar ka daftar raha hoga

mujhe shohrat 'ata ki zahar-e-ruswai ka paikar bhi

mere walid ke bhitar bhi koi shankar raha hoga

teri buniyaad mein shamil kai ma'sum chiKHen hain

'imarat ban rahi hogi to kya manzar raha hoga

suna hai aap ke dil mein rawan hone lagi nafrat

yaqinan bad-guman 'parimal' koi sha'ir raha hoga