usi se aae hain aashob aasman wale

usī se aa.e haiñ āshob āsmāñ vaale

jise ġhubār samajhte the kārvāñ vaale

maiñ apnī dhun meñ yahāñ āñdhiyāñ uThātā huuñ

magar kahāñ vo maze ḳhāk-e-āshiyāñ vaale

mujhe diyā na kabhī mere dushmanoñ kā patā

mujhe havā se laḌāte rahe jahāñ vaale

mire sarāb-e-tamannā pe rashk thā jin ko

bane haiñ aaj vahī bahr-e-be-karāñ vaale

maiñ naala huuñ mujhe apne laboñ se duur na rakh

mujhī se zinda hai tū mere jism-o-jāñ vaale

ye musht-e-ḳhāk 'zafar' merā pairahan hī tū hai

mujhe zamīñ se Darā.eñ na kahkashāñ vaale

usi se aae hain aashob aasman wale

jise ghubar samajhte the karwan wale

main apni dhun mein yahan aandhiyan uThata hun

magar kahan wo maze KHak-e-ashiyan wale

mujhe diya na kabhi mere dushmanon ka pata

mujhe hawa se laDate rahe jahan wale

mere sarab-e-tamanna pe rashk tha jin ko

bane hain aaj wahi bahr-e-be-karan wale

main nala hun mujhe apne labon se dur na rakh

mujhi se zinda hai tu mere jism-o-jaan wale

ye musht-e-KHak 'zafar' mera pairahan hi tu hai

mujhe zamin se Daraen na kahkashan wale