utar aate hain ‘alamat ke baadal mujh mein
utar aate haiñ ‘alāmāt ke bādal mujh meñ
koī chuntā hai ka.ī rang ke chāval mujh meñ
ek hamle se to bach jā.ūñgī lekin aage
ḳhvāhishoñ ke ka.ī daste haiñ harāaval mujh meñ
phir mire des ke bachchoñ kī ḳhabar laayā koī
phir khule haiñ ka.ī andāz ke maqtal mujh meñ
roz ug aate haiñ andeshe na.e peḌoñ ke
baḌh rahā hai mire inkār kā jangal mujh meñ
itne ḳhush-nām buzurgoñ meñ baḌhā hai mirā qad
kaise utregī 'humairā' koī daldal mujh meñ
utar aate hain ‘alamat ke baadal mujh mein
koi chunta hai kai rang ke chawal mujh mein
ek hamle se to bach jaungi lekin aage
KHwahishon ke kai daste hain haraawal mujh mein
phir mere des ke bachchon ki KHabar laya koi
phir khule hain kai andaz ke maqtal mujh mein
roz ug aate hain andeshe nae peDon ke
baDh raha hai mere inkar ka jangal mujh mein
itne KHush-nam buzurgon mein baDha hai mera qad
kaise utregi 'humaira' koi daldal mujh mein
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
