utar gae dariya mein phir gahrai ka andaza kya

utar ga.e dariyā meñ phir gahrā.ī kā andāza kyā

habs se bāhar jaanā hai to khiḌkī kyā darvāza kyā

kis dushman lashkar kī nāzuk ḳhvāboñ par yalġhār huī

bikhar gayā hai itnī jaldī bastī kā shīrāza kyā

muddat se jo bañd paḌe the saare darīche khol diye

ab kamre meñ dar ā.eñgī dekho havā.eñ taaza kyā

lambī taan ke sone vaalo tum ko jagāne kī ḳhātir

sūr-e-isrāfīl kī mānind aa.egā āvāza kyā

ye to hai ki misāl bhī koī apne pīchhe rah jaa.e

varna safar-e-ishq meñ koī ġhalatī kyā ḳhamyāza kyā

utar gae dariya mein phir gahrai ka andaza kya

habs se bahar jaana hai to khiDki kya darwaza kya

kis dushman lashkar ki nazuk KHwabon par yalghaar hui

bikhar gaya hai itni jaldi basti ka shiraaza kya

muddat se jo band paDe the sare dariche khol diye

ab kamre mein dar aaengi dekho hawaen taza kya

lambi tan ke sone walo tum ko jagane ki KHatir

sur-e-israfil ki manind aaega aawaza kya

ye to hai ki misal bhi koi apne pichhe rah jae

warna safar-e-ishq mein koi ghalati kya KHamyaza kya