uTha KHema yahan se kuch kar aahista aahista

uThā ḳhema yahāñ se kuuch kar āhista āhista

abhī to ḳhair mumkin hai safar āhista āhista

darīchoñ kī abhī to raushnī galiyoñ meñ baaqī hai

magar jab band ho jā.eñge dar āhista āhista

bayābānoñ se nikle aur samundar tak chale aa.e

ki ab karnā hai paanī kā safar āhista āhista

idhar se qais hī kyā ek puurī qaum guzrī hai

ye baiThegā ġhubār-e-rah-guzar āhista āhista

yahāñ ik dūsre kī jaan ke dushman na ho jaa.eñ

ye ham donoñ nikal aa.e kidhar āhista āhista

abhī kuchh bastiyāñ ābād haiñ kuchh shahr baaqī haiñ

abhī kuchh aur nikleñge khañDar āhista āhista

dar-o-dīvār ke us paar ham-sāyoñ ko niiñd aa.ī

shab-e-tanhā.ī mujh se baat kar āhista āhista

abhī be-teġh bhī zinda huuñ lekin mere hāthoñ se

'sanā' ab chhūT jā.egī sipar āhista āhista

uTha KHema yahan se kuch kar aahista aahista

abhi to KHair mumkin hai safar aahista aahista

darichon ki abhi to raushni galiyon mein baqi hai

magar jab band ho jaenge dar aahista aahista

bayabanon se nikle aur samundar tak chale aae

ki ab karna hai pani ka safar aahista aahista

idhar se qais hi kya ek puri qaum guzri hai

ye baiThega ghubar-e-rah-guzar aahista aahista

yahan ek dusre ki jaan ke dushman na ho jaen

ye hum donon nikal aae kidhar aahista aahista

abhi kuchh bastiyan aabaad hain kuchh shahr baqi hain

abhi kuchh aur niklenge khanDar aahista aahista

dar-o-diwar ke us par ham-sayon ko nind aai

shab-e-tanhai mujh se baat kar aahista aahista

abhi be-tegh bhi zinda hun lekin mere hathon se

'sana' ab chhuT jaegi sipar aahista aahista