uThe nigah wo manzar bana rahe hain log

uThe nigāh vo manzar banā rahe haiñ log

na.ī zamīñ pe na.e ghar banā rahe haiñ log

ye kis umiid pe shīsha-garoñ kī bastī meñ

mire vajūd ko patthar banā rahe haiñ log

batāo phir koī is tishnagī ko pūchhegā

jab apnā apnā samundar banā rahe haiñ log

ḳhushī se phuul ga.e haath paañv ye sun kar

mujhe hī ḳhair se rahbar banā rahe haiñ log

kahīñ havā ko bhī jhaḌ-beriyoñ ne gherā hai

ḳhud apne paañv kā chakkar banā rahe haiñ log

vo merī teġh-e-ḳhamoshī se bach nahīñ sakte

jo ham-zabānoñ kā lashkar banā rahe haiñ log

uThe nigah wo manzar bana rahe hain log

nai zamin pe nae ghar bana rahe hain log

ye kis umid pe shisha-garon ki basti mein

mere wajud ko patthar bana rahe hain log

batao phir koi is tishnagi ko puchhega

jab apna apna samundar bana rahe hain log

KHushi se phul gae hath panw ye sun kar

mujhe hi KHair se rahbar bana rahe hain log

kahin hawa ko bhi jhaD-beriyon ne ghera hai

KHud apne panw ka chakkar bana rahe hain log

wo meri tegh-e-KHamoshi se bach nahin sakte

jo ham-zabanon ka lashkar bana rahe hain log