utne hi aasan kar leta hai gham ke marhale

utne hī āsān kar letā hai ġham ke marhale

jis kā jitnā azm-o-himmat jis ke jitne hausle

haa.e fitrat ke bhī kitne saḳht-tar haiñ faisle

phuul jaisī ḳhūbsūrat chiiz kāñToñ meñ pale

manzil-e-dāmāñ tak un kī koī pahuñchā hī nahīñ

muddatoñ se go ravāñ haiñ āñsuoñ ke qāfile

saḳhtiyoñ ne kar diyā hai mujh ko manzil se qarīb

raah kī dushvāriyoñ se baḌh ga.e haiñ hausle

ham taraste hī rahe phir bhī ujāle ke liye

chāñd ubhre saikḌoñ aur saikḌoñ sūraj Dhale

kuchh sunānā chāhte the ham bhī tujh ko hāl-e-dil

kuchh tirī nazroñ ne bhī baḳhshe haiñ dil ko hausle

kyoñ mohabbat hī pe paḌtī hai nazar har ek kī

aur bhī to haiñ 'ḳhalish' duniyā meñ lākhoñ mashġhale

utne hi aasan kar leta hai gham ke marhale

jis ka jitna azm-o-himmat jis ke jitne hausle

hae fitrat ke bhi kitne saKHt-tar hain faisle

phul jaisi KHubsurat chiz kanTon mein pale

manzil-e-daman tak un ki koi pahuncha hi nahin

muddaton se go rawan hain aansuon ke qafile

saKHtiyon ne kar diya hai mujh ko manzil se qarib

rah ki dushwariyon se baDh gae hain hausle

hum taraste hi rahe phir bhi ujale ke liye

chand ubhre saikDon aur saikDon suraj Dhale

kuchh sunana chahte the hum bhi tujh ko haal-e-dil

kuchh teri nazron ne bhi baKHshe hain dil ko hausle

kyon mohabbat hi pe paDti hai nazar har ek ki

aur bhi to hain 'KHalish' duniya mein lakhon mashghale