utri hai be-misal usi ke badan mein ThanD
utri hai be-misal usi ke badan mein ThanD
Mohammad Yasir Mustafvi
MORE BYMohammad Yasir Mustafvi
utrī hai be-misāl usī ke badan meñ ThanD
jis ke kabhī na paḌtī thī she'r-o-suḳhan meñ ThanD
dekhoge ġhaur se to samajh aa.egī tumheñ
paḌne lagī tumhārī ab is anjuman meñ ThanD
tā-'umr vo mission bhī adhūrā rahegā jab
paḌ jā.egī zarā sī kisī bhī mission meñ ThanD
is ḳhush-ḳhirām jism-e-mubārak ke lams se
yak-laḳht hī utar ga.ī puure badan meñ ThanD
ik 'umr tak banā rahā maiñ ghar kā sā.ebāñ
tab jā ke aaj mujh ko milī hai kafan meñ ThanD
pardes kī tapish meñ mirā jī machal gayā
jab sun liyā ki paḌne lagī hai vatan meñ ThanD
utri hai be-misal usi ke badan mein ThanD
jis ke kabhi na paDti thi she'r-o-suKHan mein ThanD
dekhoge ghaur se to samajh aaegi tumhein
paDne lagi tumhaari ab is anjuman mein ThanD
ta-'umr wo mission bhi adhura rahega jab
paD jaegi zara si kisi bhi mission mein ThanD
is KHush-KHiram jism-e-mubarak ke lams se
yak-laKHt hi utar gai pure badan mein ThanD
ek 'umr tak bana raha main ghar ka saeban
tab ja ke aaj mujh ko mili hai kafan mein ThanD
pardes ki tapish mein mera ji machal gaya
jab sun liya ki paDne lagi hai watan mein ThanD
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
