uTThe to the arbab-e-sitam soch-samajh ke

uTThe to the arbāb-e-sitam soch-samajh ke

sab mil ga.e miTTī meñ bharam soch-samajh ke

har chand hai kāñToñ se bharī raah hamārī

ham ne bhī uThā.e haiñ qadam soch-samajh ke

ye shai dil-e-ḳhuddār kī Thukrā.ī huī hai

is samt uThe chashm-e-karam soch-samajh ke

ab larza-bar-andām hai kyoñ vahshat-e-qātil

karnā thā mire sar ko qalam soch-samajh ke

miTtā hai kahīñ naqsh-e-rifāqat dil-e-nādāñ

khā tark-e-ta'alluq kī qasam soch-samajh ke

is 'ahd-e-riyā-kār se allāh bachā.e

ab ḳhud se bhī milte haiñ to ham soch-samajh ke

uThtā hai agar dard nikal paḌtī haiñ chīḳheñ

karte nahīñ iz.hār-e-alam soch-samajh ke

har chand ki dīvāna sā lagtā hai 'azīz' ik

kartā hai magar she'r raqam soch-samajh ke

uTThe to the arbab-e-sitam soch-samajh ke

sab mil gae miTTi mein bharam soch-samajh ke

har chand hai kanTon se bhari rah hamari

hum ne bhi uThae hain qadam soch-samajh ke

ye shai dil-e-KHuddar ki Thukrai hui hai

is samt uThe chashm-e-karam soch-samajh ke

ab larza-bar-andam hai kyon wahshat-e-qatil

karna tha mere sar ko qalam soch-samajh ke

miTta hai kahin naqsh-e-rifaqat dil-e-nadan

kha tark-e-ta'alluq ki qasam soch-samajh ke

is 'ahd-e-riya-kar se allah bachae

ab KHud se bhi milte hain to hum soch-samajh ke

uThta hai agar dard nikal paDti hain chiKHen

karte nahin izhaar-e-alam soch-samajh ke

har chand ki diwana sa lagta hai 'aziz' ek

karta hai magar she'r raqam soch-samajh ke