unchaiyon se KHak mein utre hue bhi dekh

ūñchā.iyoñ se ḳhaak meñ utre hue bhī dekh

is ziist ke safar ke sabhī marhale bhī dekh

rauzan bujhā ke mere na hone kī de dalīl

parde haTā ke jhāñk mujhe din chaḌhe bhī dekh

is muḳhtasar sī raah meñ raḳht-e-safar na bāñdh

tujh se jo peshtar hue vo qāfile bhī dekh

siine kī barf aañkh ke paanī kā kar shumār

hoñToñ pe dab ke mar ga.e vo tazkire bhī dekh

jo yaar terī tarz-e-taġhāful meñ gum huiiñ

vo siskiyāñ bhī gin kabhī vo ratjage bhī dekh

hañs hañs ke tark-e-'ishq kī na dāstāñ sunā

ashkoñ ne jo likhe kabhī vo marsiye bhī dekh

unchaiyon se KHak mein utre hue bhi dekh

is zist ke safar ke sabhi marhale bhi dekh

rauzan bujha ke mere na hone ki de dalil

parde haTa ke jhank mujhe din chaDhe bhi dekh

is muKHtasar si rah mein raKHt-e-safar na bandh

tujh se jo peshtar hue wo qafile bhi dekh

sine ki barf aankh ke pani ka kar shumar

honTon pe dab ke mar gae wo tazkire bhi dekh

jo yar teri tarz-e-taghaful mein gum huin

wo siskiyan bhi gin kabhi wo ratjage bhi dekh

hans hans ke tark-e-'ishq ki na dastan suna

ashkon ne jo likhe kabhi wo marsiye bhi dekh