wada gar roz kiye jaiyega
va.ada gar roz kiye jā.iyegā
roz samjhūñgā ki aaj ā.iyegā
jaan kā ġham nahīñ ġham ye hai ki aap
qatl kar ke mujhe pachhtā.iyegā
maiñ bhī huuñ hazrat-e-nāseh daanā
kuchh samajh kar mujhe samjhā.iyegā
lāġhar itnā huuñ ki huuñ ghar meñ magar
mere ghar meñ na mujhe pā.iyegā
tum nahīñ qaul-o-qasam ke sachche
jhuuT kahtā huuñ qasam khā.iyegā
dar pe rahne kī ijāzat de kar
kahte haiñ paañv na phailā.iyegā
kyā hai jo kahte ho mutrib se tum aaj
koī 'nāzim' kī ġhazal gā.iyegā
wada gar roz kiye jaiyega
roz samjhunga ki aaj aaiyega
jaan ka gham nahin gham ye hai ki aap
qatl kar ke mujhe pachhtaiyega
main bhi hun hazrat-e-naseh dana
kuchh samajh kar mujhe samjhaiyega
laghar itna hun ki hun ghar mein magar
mere ghar mein na mujhe paiyega
tum nahin qaul-o-qasam ke sachche
jhuT kahta hun qasam khaiyega
dar pe rahne ki ijazat de kar
kahte hain panw na phailaiyega
kya hai jo kahte ho mutrib se tum aaj
koi 'nazim' ki ghazal gaiyega
- Book : Ghazal Usne Chhedi(3) (Pg. 158)
- Author : Farhat Ehsas
- Publication : Rekhta Books (2017)
- Edition : 2017
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
