wae-taqdir kya ye alamiya nahin
vā.e-taqdīr kyā ye alamiya nahīñ
sab haiñ apne magar koī apnā nahīñ
dīda-o-dil ki sunsān sahrā hue
dil meñ jazba to āñkhoñ meñ sapnā nahīñ
ishq ko tark karne meñ diqqat na thī
ishq ko mashġhala ham ne samjhā nahīñ
ab ke mujh se milā vo to aisā lagā
vo hī chehra hai lekin vo chehra nahīñ
phuñk rahā hai badan kunj-e-tanhā.ī meñ
sar pe chhat hai magar maañ kā saaya nahīñ
merī nazroñ meñ duniyā bhī uqbā bhī hai
aadmī huuñ maiñ 'at.har' farishta nahīñ
wae-taqdir kya ye alamiya nahin
sab hain apne magar koi apna nahin
dida-o-dil ki sunsan sahra hue
dil mein jazba to aankhon mein sapna nahin
ishq ko tark karne mein diqqat na thi
ishq ko mashghala hum ne samjha nahin
ab ke mujh se mila wo to aisa laga
wo hi chehra hai lekin wo chehra nahin
phunk raha hai badan kunj-e-tanhai mein
sar pe chhat hai magar man ka saya nahin
meri nazron mein duniya bhi uqba bhi hai
aadmi hun main 'athar' farishta nahin
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
