wan to milne ka irada hi nahin

vaañ to milne kā irāda hī nahīñ

yaañ vo ḳhvāhish hai ki hotā hī nahīñ

yuuñ satāne ke to laa.eq the na ham

aap ne kuchh hameñ samjhā hī nahīñ

jis se taskīñ ho mirī ai qāsid

aisī to baat tū kahtā hī nahīñ

aur bhī aisī to bāteñ haiñ bahut

gila-e-rañjish-e-bejā hī nahīñ

le ga.iiñ nīchī nigāheñ dil ko

aañkh uThā kar abhī dekhā hī nahīñ

rashk-e-dushman se nasīhat huī aap

dil vahāñ jaane ko hotā hī nahīñ

aur jo zulm ho manzūr mujhe

ġhair se rabt gavārā hī nahīñ

yaañ to ye muntazir-e-va.ada ham

aur vaañ yaad vo va.adā hī nahīñ

rabt-e-dushman se hai inkār abas

hameñ is baat kā shikvā hī nahīñ

ham ḳhudā se bhī nahīñ māñgte kuchh

yaañ koī apnī tamannā hī nahīñ

na sahī koī burā.ī na sahī

tum se milnā mujhe achchhā hī nahīñ

us kī har baat ko sach samjhe 'nizām'

us sā ayyār to paidā hī nahīñ

wan to milne ka irada hi nahin

yan wo KHwahish hai ki hota hi nahin

yun satane ke to laeq the na hum

aap ne kuchh hamein samjha hi nahin

jis se taskin ho meri ai qasid

aisi to baat tu kahta hi nahin

aur bhi aisi to baaten hain bahut

gila-e-ranjish-e-beja hi nahin

le gain nichi nigahen dil ko

aankh uTha kar abhi dekha hi nahin

rashk-e-dushman se nasihat hui aap

dil wahan jaane ko hota hi nahin

aur jo zulm ho manzur mujhe

ghair se rabt gawara hi nahin

yan to ye muntazir-e-wada hum

aur wan yaad wo wada hi nahin

rabt-e-dushman se hai inkar abas

hamein is baat ka shikwa hi nahin

hum KHuda se bhi nahin mangte kuchh

yan koi apni tamanna hi nahin

na sahi koi burai na sahi

tum se milna mujhe achchha hi nahin

us ki har baat ko sach samjhe 'nizam'

us sa ayyar to paida hi nahin