war aur phir war kis ka aap ki talwar ka

vaar aur phir vaar kis kā aap kī talvār kā

ab rafū mushkil se hogā zaḳhm-e-dāman-dār kā

ḳhuun ronā be-gunāhī par tirī talvār kā

aur hañs denā hamāre zaḳhm-e-dāman-dār kā

kis qadar lapkā hai chashm-e-shauq ko dīdār kā

ban gayā tār-e-nazar āḳhir tasavvur yaar kā

sej par guzrī magar guzrī shab-e-vasl is tarah

chuTkiyāñ letā rahā dhaḌkā firāq-e-yār kā

rashk-e-dushman hī se bhaḌkī ātish-e-ishq-e-habīb

phuul kī vaq.at baḌhātā hai khaTaknā ḳhaar kā

jaao apnī raah lo qātil yūñhī hote haiñ kyā

aaj tak tum ko na aayā bāñdhnā talvār kā

dil hamārā aap hī baḌh kar nishāna ho gayā

tiir chalne bhī na paayā thā nigāh-e-yār kā

qatl-gah meñ kaam kar jaatā hai terā bāñkpan

vaar ho jaatā hai har andāz meñ talvār kā

baḌh gayā terī khachāvaT kā yahāñ tak to asar

mujh se ab khiñchtā hai saaya bhī tirī dīvār kā

dard-e-ulfat ko chhupāyā rāz-e-ulfat kī tarah

vaah kyā kahnā hamāre zaḳhm-e-dāman-dār kā

paas to aao tumheñ kyā khaa.e jaatā hai 'faroġh'

jān-e-āshiq vo to bhūkā hai faqat dīdār kā

war aur phir war kis ka aap ki talwar ka

ab rafu mushkil se hoga zaKHm-e-daman-dar ka

KHun rona be-gunahi par teri talwar ka

aur hans dena hamare zaKHm-e-daman-dar ka

kis qadar lapka hai chashm-e-shauq ko didar ka

ban gaya tar-e-nazar aaKHir tasawwur yar ka

sej par guzri magar guzri shab-e-wasl is tarah

chuTkiyan leta raha dhaDka firaq-e-yar ka

rashk-e-dushman hi se bhaDki aatish-e-ishq-e-habib

phul ki waqat baDhata hai khaTakna KHar ka

jao apni rah lo qatil yunhi hote hain kya

aaj tak tum ko na aaya bandhna talwar ka

dil hamara aap hi baDh kar nishana ho gaya

tir chalne bhi na paya tha nigah-e-yar ka

qatl-gah mein kaam kar jata hai tera bankpan

war ho jata hai har andaz mein talwar ka

baDh gaya teri khachawaT ka yahan tak to asar

mujh se ab khinchta hai saya bhi teri diwar ka

dard-e-ulfat ko chhupaya raaz-e-ulfat ki tarah

wah kya kahna hamare zaKHm-e-daman-dar ka

pas to aao tumhein kya khae jata hai 'farogh'

jaan-e-ashiq wo to bhuka hai faqat didar ka