wasta koi na rakh kar bhi sitam Dhate ho tum

vāsta koī na rakh kar bhī sitam Dhāte ho tum

dil taḌap uThtā hai ab kaahe ko yaad aate ho tum

merī sab āzādiyāñ banda-navāzī par nisār

ai ḳhoshā qaid-e-vafā zanjīr pahnāte ho tum

laate ho kaif-e-tarb dete ho paiġhām-e-hayāt

kyā batā.ūñ saath kyā le kar chale jaate ho tum

is tarah chhupte ho jalvoñ kī farāvānī ke saath

maiñ samajhtā huuñ ki jaise sāmne aate ho tum

sun ke merā haal haiñ āñkheñ na malne ke vajūh

ye bhī ho saktā hai shāyad ashk bhar laate ho tum

bhej kar ḳhush-bū havāoñ meñ ba-andāz-e-payām

kyā ye sach hai aaj yuuñ merī taraf aate ho tum

dil-guzārī bhī liye hai imtiyāz-e-husn-o-ishq

ḳhuun ro detā huuñ maiñ aur ashk pī jaate ho tum

chāñd meñ rañgat tumhārī phuul bhī tum se base

khīñchtī haiñ dil fazā.eñ yaad aa jaate ho tum

tum se hai ārāsta jazbāt kā taaza chaman

jaisī rut hotī hai vaisā phuul ban jaate ho tum

zikr is kā hai 'razā' ne kiiñ vafā.eñ yā nahīñ

tum ne āḳhir kyā kiyā kaahe ko sharmāte ho tum

wasta koi na rakh kar bhi sitam Dhate ho tum

dil taDap uThta hai ab kahe ko yaad aate ho tum

meri sab aazadiyan banda-nawazi par nisar

ai KHosha qaid-e-wafa zanjir pahnate ho tum

late ho kaif-e-tarb dete ho paigham-e-hayat

kya bataun sath kya le kar chale jate ho tum

is tarah chhupte ho jalwon ki farawani ke sath

main samajhta hun ki jaise samne aate ho tum

sun ke mera haal hain aankhen na malne ke wajuh

ye bhi ho sakta hai shayad ashk bhar late ho tum

bhej kar KHush-bu hawaon mein ba-andaz-e-payam

kya ye sach hai aaj yun meri taraf aate ho tum

dil-guzari bhi liye hai imtiyaz-e-husn-o-ishq

KHun ro deta hun main aur ashk pi jate ho tum

chand mein rangat tumhaari phul bhi tum se base

khinchti hain dil fazaen yaad aa jate ho tum

tum se hai aarasta jazbaat ka taza chaman

jaisi rut hoti hai waisa phul ban jate ho tum

zikr is ka hai 'raza' ne kin wafaen ya nahin

tum ne aaKHir kya kiya kahe ko sharmate ho tum