wafa dil mein jaga kar dekh lije

vafā dil meñ jagā kar dekh liije

mujhe mujh se churā kar dekh liije

mujhe apnā hī pā.eñge hamesha

kabhī bhī aazmā kar dekh liije

milegī zindagī us ke hī dar se

kahīñ bhī sar jhukā kar dekh liije

agar kuchh dekhnā chāheñ to mujh ko

kabhī apnā banā kar dekh liije

ġhazal huuñ aur ġhazal bhī aap hī kī

so mujh ko gungunā kar dekh liije

adā-e-be-ruḳhī āḳhir kahāñ tak

kabhī to muskurā kar dekh liije

yahī hai 'shāziya-ālam’ kī duniyā

zarā nazreñ uThā kar dekh liije

wafa dil mein jaga kar dekh lije

mujhe mujh se chura kar dekh lije

mujhe apna hi paenge hamesha

kabhi bhi aazma kar dekh lije

milegi zindagi us ke hi dar se

kahin bhi sar jhuka kar dekh lije

agar kuchh dekhna chahen to mujh ko

kabhi apna bana kar dekh lije

ghazal hun aur ghazal bhi aap hi ki

so mujh ko gunguna kar dekh lije

ada-e-be-ruKHi aaKHir kahan tak

kabhi to muskura kar dekh lije

yahi hai 'shaziya-alam’ ki duniya

zara nazren uTha kar dekh lije