wafa ke nam pe rakkhi hain tohmaten kya kya

vafā ke naam pe rakkhī haiñ tohmateñ kyā kyā

bigāḌ dī haiñ zamāne ne sūrateñ kyā kyā

hamīñ pe dosh hai un kī qazā namāzoñ kā

janāb-e-shaiḳh ne DhūñDīñ vazāhateñ kyā kyā

baḌe ḳhulūs se ik shahr-e-gul ujaaḌ liyā

huī haiñ ahl-e-nazar se himāqateñ kyā kyā

fareb-e-sīm-o-javāhar hue haiñ nām-o-numūd

ḳhayāl-e-yār se uljhī haiñ zulmateñ kyā kyā

vo mehrbāñ to na thā par ḳhulūs bhī na rahā

paḌī haiñ ġhair kī sohbat meñ ādateñ kyā kyā

zabān-e-qātil-o-maqtūl par hai ek hī naam

ḳhudā ke naam pe guzrīñ qayāmateñ kyā kyā

baḌhā ke halqa-e-rindāñ kī ranjisheñ 'ḳhālid'

sitamgaroñ ne nikālī haiñ hasrateñ kyā kyā

wafa ke nam pe rakkhi hain tohmaten kya kya

bigaD di hain zamane ne suraten kya kya

hamin pe dosh hai un ki qaza namazon ka

janab-e-shaiKH ne DhunDin wazahaten kya kya

baDe KHulus se ek shahr-e-gul ujaD liya

hui hain ahl-e-nazar se himaqaten kya kya

fareb-e-sim-o-jawahar hue hain nam-o-numud

KHayal-e-yar se uljhi hain zulmaten kya kya

wo mehrban to na tha par KHulus bhi na raha

paDi hain ghair ki sohbat mein aadaten kya kya

zaban-e-qatil-o-maqtul par hai ek hi nam

KHuda ke nam pe guzrin qayamaten kya kya

baDha ke halqa-e-rindan ki ranjishen 'KHalid'

sitamgaron ne nikali hain hasraten kya kya