wafa ke nur se KHud ko saja ke baiThi hun

vafā ke nuur se ḳhud ko sajā ke baiThī huuñ

kisī kī yaad meñ duniyā bhulā ke baiThī huuñ

qamar ko aks mirā jab se kah diyā us ne

falak pe jā ke maiñ nāz-o-adā se baiThī huuñ

junūn-e-ishq ne jogan banā diyā mujh ko

dayār-e-yār pe sar maiñ jhukā ke baiThī huuñ

karo na ḳhaak pe mātam mirī jahāñ vāloñ

anā kī aag meñ ḳhud ko jalā ke baiThī huuñ

ġham-e-hayāt mire dar pe kab Thahartā hai

qarīb aa ke maiñ apne ḳhudā ke baiThī huuñ

har ek naqsh-e-qadam kā ye martaba hai mire

maiñ dasht-o-sahrā ko gulshan banā ke baiThī huuñ

vafā pe us kī hai qurbān do-jahāñ 'rinkī'

jamāl-e-yār pe hastī luTā ke baiThī huuñ

wafa ke nur se KHud ko saja ke baiThi hun

kisi ki yaad mein duniya bhula ke baiThi hun

qamar ko aks mera jab se kah diya us ne

falak pe ja ke main naz-o-ada se baiThi hun

junun-e-ishq ne jogan bana diya mujh ko

dayar-e-yar pe sar main jhuka ke baiThi hun

karo na KHak pe matam meri jahan walon

ana ki aag mein KHud ko jala ke baiThi hun

gham-e-hayat mere dar pe kab Thaharta hai

qarib aa ke main apne KHuda ke baiThi hun

har ek naqsh-e-qadam ka ye martaba hai mere

main dasht-o-sahra ko gulshan bana ke baiThi hun

wafa pe us ki hai qurban do-jahan 'rinki'

jamal-e-yar pe hasti luTa ke baiThi hun