wafa thi ishq tha had se guzar jaane ki baaten thin

vafā thī ishq thā had se guzar jaane kī bāteñ thiiñ

ye sab kuchh thā magar ye kuchh dinoñ pahle kī bāteñ thiiñ

bayāñ kaise ho lafzoñ meñ ki un bahke se lamhoñ meñ

vo jismoñ ke simaTne pairahan khulne kī bāteñ thiiñ

bahut ulfat mohabbat ahd-o-paimāñ sunte aa.e haiñ

khulā ye ab kahīñ jā kar ye sab kahne kī bāteñ thiiñ

vo din bhī the ki tere lams kī narmī ke qisse the

barahna sar pe terī zulf ke saa.e kī bāteñ thiiñ

tirī zulf-e-pareshāñ meñ ulajh kar rah ga.e varna

mire sheroñ meñ is duniyā se kuchh aage kī bāteñ thiiñ

wafa thi ishq tha had se guzar jaane ki baaten thin

ye sab kuchh tha magar ye kuchh dinon pahle ki baaten thin

bayan kaise ho lafzon mein ki un bahke se lamhon mein

wo jismon ke simaTne pairahan khulne ki baaten thin

bahut ulfat mohabbat ahd-o-paiman sunte aae hain

khula ye ab kahin ja kar ye sab kahne ki baaten thin

wo din bhi the ki tere lams ki narmi ke qisse the

barahna sar pe teri zulf ke sae ki baaten thin

teri zulf-e-pareshan mein ulajh kar rah gae warna

mere sheron mein is duniya se kuchh aage ki baaten thin