wafaen hongi zeb-e-taq-e-nisyan hum na kahte the

vafā.eñ hoñgī zeb-e-tāq-e-nisyāñ ham na kahte the

bhulā baiThoge tum sab ‘ahd-o-paimāñ ham na kahte the

mileñge ḳhaak meñ sab dil ke armāñ ham na kahte the

chaman ban jā.egā ḳhvāb-e-pareshāñ ham na kahte the

uThāoge na kuchh lutf-e-bahārāñ ham na kahte the

karoge tum bhī ik din chaak dāmāñ ham na kahte the

chhupāoge tum apnā dard-e-dil kab tak tasanno' se

ubhar aa.egā āḳhir zaḳhm-e-pinhāñ ham na kahte the

milegī lazzat-e-kām-o-dahan jab ḳhūn-e-nāhaq se

baḌhegā aur bhī ye zauq-e-‘isyāñ ham na kahte the

raqābat kashmakash aur ye kudūrat ahl-e-gulshan kī

lahū rulvā.egī fasl-e-bahārāñ ham na kahte the

manāo ḳhair apnī ab mirā ghar phūñkne vaalo

kahīñ tum bhī na ho sho’la-ba-dāmāñ ham na kahte the

jidhar dekho 'zakī' taḳhrīb kī farmāñ-ravā.ī hai

uThegā ḳhaak ke zarroñ se tūfāñ ham na kahte the

wafaen hongi zeb-e-taq-e-nisyan hum na kahte the

bhula baiThoge tum sab ‘ahd-o-paiman hum na kahte the

milenge KHak mein sab dil ke arman hum na kahte the

chaman ban jaega KHwab-e-pareshan hum na kahte the

uThaoge na kuchh lutf-e-bahaaran hum na kahte the

karoge tum bhi ek din chaak daman hum na kahte the

chhupaoge tum apna dard-e-dil kab tak tasanno' se

ubhar aaega aaKHir zaKHm-e-pinhan hum na kahte the

milegi lazzat-e-kaam-o-dahan jab KHun-e-nahaq se

baDhega aur bhi ye zauq-e-‘isyan hum na kahte the

raqabat kashmakash aur ye kudurat ahl-e-gulshan ki

lahu rulwaegi fasl-e-bahaaran hum na kahte the

manao KHair apni ab mera ghar phunkne walo

kahin tum bhi na ho sho’la-ba-daman hum na kahte the

jidhar dekho 'zaki' taKHrib ki farman-rawai hai

uThega KHak ke zarron se tufan hum na kahte the