wafaen karke jafa-kashon mein shumar aaya to maine dekha

vafā.eñ karke jafā-kashoñ meñ shumār aaya to maiñ ne dekhā

ki sāf-shaffāf ā.inoñ par ġhubār aaya to maiñ ne dekhā

na karb kā ho qayās jis meñ na saath ho ġham-shanās jis meñ

nazar ke bāhar kā vo safar bhī guzār aaya to maiñ ne dekhā

tamām gul mere rū-ba-rū the ki paañv mere lahū lahū the

jo qarz kāñToñ kī rahbarī kā utaar aaya to maiñ ne dekhā

zabāñ pe harf-o-sadā nahīñ hai kisī bhī lab par duā nahīñ hai

har ek insāñ zamīr apnā jo haar aaya to maiñ ne dekhā

usī ke virse meñ rahbarī hai usī ke hisse meñ zindagī hai

jo kār-sāz-e-amal kā maidān maar aaya to maiñ ne dekhā

wafaen karke jafa-kashon mein shumar aaya to main ne dekha

ki saf-shaffaf aainon par ghubar aaya to main ne dekha

na karb ka ho qayas jis mein na sath ho gham-shanas jis mein

nazar ke bahar ka wo safar bhi guzar aaya to main ne dekha

tamam gul mere ru-ba-ru the ki panw mere lahu lahu the

jo qarz kanTon ki rahbari ka utar aaya to main ne dekha

zaban pe harf-o-sada nahin hai kisi bhi lab par dua nahin hai

har ek insan zamir apna jo haar aaya to main ne dekha

usi ke wirse mein rahbari hai usi ke hisse mein zindagi hai

jo kar-saz-e-amal ka maidan mar aaya to main ne dekha