wafaon ki jafaon ki to taswiren nahin hotin

vafāoñ kī jafāoñ kī to tasvīreñ nahīñ hotīñ

to kyā chehroñ pe insānoñ ke tahrīreñ nahīñ hotīñ

chalo maanā zabāñ-bandī to nāfiz ho ga.ī lekin

kareñ jo qaid zehn-o-dil vo zanjīreñ nahīñ hotīñ

ye daulat saltanat tāqat hukūmat haiñ magar kab tak

kisī kī mustaqil duniyā meñ jāgīreñ nahīñ hotīñ

ka.ī aurāq yādoñ ke haiñ jin meñ ab bhī raushan haiñ

hazāroñ ḳhvāb aise jin kī tā'bīreñ nahīñ hotīñ

'abas hai us kī har koshish mire sar ko jhukāne kī

zamīñ par āsmāñ laane kī tadbīreñ nahīñ hotīñ

chalo jo jang meñ to pairahan ko āhanī kar lo

ba-dast-e-dushmanāñ miTTī kī shamshīreñ nahīñ hotīñ

ḳhudā chāhe jise jo baḳhsh de ye us kī marzī hai

sivā kuchh is ke insānoñ kī taqdīreñ nahīñ hotīñ

wafaon ki jafaon ki to taswiren nahin hotin

to kya chehron pe insanon ke tahriren nahin hotin

chalo mana zaban-bandi to nafiz ho gai lekin

karen jo qaid zehn-o-dil wo zanjiren nahin hotin

ye daulat saltanat taqat hukumat hain magar kab tak

kisi ki mustaqil duniya mein jagiren nahin hotin

kai auraq yaadon ke hain jin mein ab bhi raushan hain

hazaron KHwab aise jin ki ta'biren nahin hotin

'abas hai us ki har koshish mere sar ko jhukane ki

zamin par aasman lane ki tadbiren nahin hotin

chalo jo jang mein to pairahan ko aahani kar lo

ba-dast-e-dushmanan miTTi ki shamshiren nahin hotin

KHuda chahe jise jo baKHsh de ye us ki marzi hai

siwa kuchh is ke insanon ki taqdiren nahin hotin