wahan ab ja ke dekhen humse kya irshad karte hain

vahāñ ab jā ke dekheñ ham se kyā irshād karte haiñ

qazā kahtī hai chaliye aap ko vo yaad karte haiñ

janāb-e-vā.iz-o-pīr-e-muġhāñ kāmil to haiñ donoñ

vo kuchh irshād karte haiñ ye kuchh irshād karte haiñ

pa.e tāzīm-e-dard uThtā hai ai nāvak-fagan dil meñ

qadam-ranja jo tere nāvak-e-bedād karte haiñ

kabhī karte haiñ ham bāda-parastī jā ke ka.abe meñ

kabhī aa kar haram se mai-kade ābād karte haiñ

na chhoḌā saath mahshar tak hamārā tū vo mūnis thā

ġham-e-marhūm tujh ko ḳhuld meñ ham yaad karte haiñ

vo hañs kar ham se kahte haiñ paḌeñ is chaah par patthar

jo ham un se bayān-e-saḳhtī-e-farhād karte haiñ

qafas se chhuT ke bhī ham qaid haiñ dām-e-mohabbat meñ

'vasīm' āzād kar ke bhī vo kab āzād karte haiñ

wahan ab ja ke dekhen hum se kya irshad karte hain

qaza kahti hai chaliye aap ko wo yaad karte hain

janab-e-waiz-o-pir-e-mughan kaamil to hain donon

wo kuchh irshad karte hain ye kuchh irshad karte hain

pae tazim-e-dard uThta hai ai nawak-fagan dil mein

qadam-ranja jo tere nawak-e-bedad karte hain

kabhi karte hain hum baada-parasti ja ke kabe mein

kabhi aa kar haram se mai-kade aabaad karte hain

na chhoDa sath mahshar tak hamara tu wo munis tha

gham-e-marhum tujh ko KHuld mein hum yaad karte hain

wo hans kar hum se kahte hain paDen is chah par patthar

jo hum un se bayan-e-saKHti-e-farhad karte hain

qafas se chhuT ke bhi hum qaid hain dam-e-mohabbat mein

'wasim' aazad kar ke bhi wo kab aazad karte hain