wahi azab wahi aasra bhi jine ka
vahī azaab vahī aasrā bhī jiine kā
vo merā dil hī nahīñ zaḳhm bhī hai siine kā
maiñ be-libās hī shīshe ke ghar meñ rahtā huuñ
mujhe bhī shauq hai apnī tarah se jiine kā
vo dekh chāñd kī pur-nūr kahkashāoñ meñ
tamām rañg hai ḳhurshīd ke pasīne kā
maiñ pur-ḳhulūs huuñ phāgun kī dopahar kī tarah
tirā mizāj lage puus ke mahīne kā
samundaroñ ke safar meñ sambhāl kar rakhnā
kisī kueñ se jo paanī milā hai piine kā
'mayañk' aañkh meñ sailāb uTh na paa.e kabhī
ki ek ashk musāfir hai is safīne kā
wahi azab wahi aasra bhi jine ka
wo mera dil hi nahin zaKHm bhi hai sine ka
main be-libas hi shishe ke ghar mein rahta hun
mujhe bhi shauq hai apni tarah se jine ka
wo dekh chand ki pur-nur kahkashaon mein
tamam rang hai KHurshid ke pasine ka
main pur-KHulus hun phagun ki dopahar ki tarah
tera mizaj lage pus ke mahine ka
samundaron ke safar mein sambhaal kar rakhna
kisi kuen se jo pani mila hai pine ka
'mayank' aankh mein sailab uTh na pae kabhi
ki ek ashk musafir hai is safine ka
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
