wahi be-yaqini ki hai faza wahi gard-baad-e-shumal hai

vahī be-yaqīnī kī hai fazā vahī gard-bād-e-shumāl hai

maiñ charāġh-e-jāñ huuñ liye hue vahī shām-e-shahr-e-malāl hai

vo masāfateñ bhī guzar ga.iiñ ki duā ke phuul the haath meñ

ye mohabbatoñ kā dayār hai yahī merā māl-o-manāl hai

tire harf harf meñ ramz hai tirī guftugū bhī kamāl hai

kabhī mil ke tujh se ḳhushī milī kabhī tū hī vaj.h-e-malāl hai

hai ufuq ufuq tirā tazkira hai bahr bahr tirī dāstāñ

mire ā.īnoñ meñ hai zau-fagan vo tirā hī aks-e-jamāl hai

kabhī be-javāz nahīñ rahī mirī zindagī kā javāz hai

tirī chāhatoñ pe ġhurūr hai mirī chāhatoñ kī misāl hai

kabhī dil pe baar liyā nahīñ ki gila kisī se kiyā nahīñ

vahī be-niyāzī-e-dostāñ vahī merā husn-e-ḳhayāl hai

wahi be-yaqini ki hai faza wahi gard-baad-e-shumal hai

main charagh-e-jaan hun liye hue wahi sham-e-shahr-e-malal hai

wo masafaten bhi guzar gain ki dua ke phul the hath mein

ye mohabbaton ka dayar hai yahi mera mal-o-manal hai

tere harf harf mein ramz hai teri guftugu bhi kamal hai

kabhi mil ke tujh se KHushi mili kabhi tu hi wajh-e-malal hai

hai ufuq ufuq tera tazkira hai bahr bahr teri dastan

mere aainon mein hai zau-fagan wo tera hi aks-e-jamal hai

kabhi be-jawaz nahin rahi meri zindagi ka jawaz hai

teri chahaton pe ghurur hai meri chahaton ki misal hai

kabhi dil pe bar liya nahin ki gila kisi se kiya nahin

wahi be-niyazi-e-dostan wahi mera husn-e-KHayal hai