wahi dil ko hai yar-e-jaani ke sath

vahī dil ko hai yār-e-jānī ke saath

jo rishta hai dariyā kā paanī ke saath

hamīñ rah ga.e be-zabānī ke saath

hue ḳhatm sab us kahānī ke saath

baḌhā aur girye se soz-e-darūñ

bhaḌaktī ga.ī aag paanī ke saath

kahīñ ye zamāne kī rau to nahīñ

subuk-sair kyā hai girānī ke saath

har ik aan us kā alag rang hai

use dekhiye kis nishānī ke saath

chalo mauj vo bhī kināre lagī

ulajhtī bahut thī ravānī ke saath

bhiḌā kar to dekho maza aa.egā

kisī din na.ī ko purānī ke saath

wahi dil ko hai yar-e-jaani ke sath

jo rishta hai dariya ka pani ke sath

hamin rah gae be-zabani ke sath

hue KHatm sab us kahani ke sath

baDha aur girye se soz-e-darun

bhaDakti gai aag pani ke sath

kahin ye zamane ki rau to nahin

subuk-sair kya hai girani ke sath

har ek aan us ka alag rang hai

use dekhiye kis nishani ke sath

chalo mauj wo bhi kinare lagi

ulajhti bahut thi rawani ke sath

bhiDa kar to dekho maza aaega

kisi din nai ko purani ke sath