wahi hai dasht-e-safar rahguzar se aage bhi

vahī hai dasht-e-safar rahguzar se aage bhī

vahī ḳhalā hai hudūd-e-nazar se aage bhī

vo āftāb isī sahn meñ muallaq hai

agarche ghar haiñ bahut us ke ghar se aage bhī

hamāre dam se hai qaa.em zamīñ kī zarḳhezī

hamārā faiz hai shāḳh-e-shajar se aage bhī

talāsh-e-nūr meñ ham bārhā nikal aa.e

nazar ke saath hudūd-e-safar se aage bhī

ġhalat umiid na bāñdh in nahīf logoñ se

koī uḌā hai bhalā bāl-o-par se aage bhī

yahāñ se lauT chalo jaan kī amaañ chāho

ka.ī tilism haiñ dīvār-o-dar se aage bhī

wahi hai dasht-e-safar rahguzar se aage bhi

wahi KHala hai hudud-e-nazar se aage bhi

wo aaftab isi sahn mein muallaq hai

agarche ghar hain bahut us ke ghar se aage bhi

hamare dam se hai qaem zamin ki zarKHezi

hamara faiz hai shaKH-e-shajar se aage bhi

talash-e-nur mein hum barha nikal aae

nazar ke sath hudud-e-safar se aage bhi

ghalat umid na bandh in nahif logon se

koi uDa hai bhala baal-o-par se aage bhi

yahan se lauT chalo jaan ki aman chaho

kai tilism hain diwar-o-dar se aage bhi