wahi hai dast-e-junun hamara badalta rahta hai go qarina

vahī hai dast-e-junūñ hamārā badaltā rahtā hai go qarīna

usī se dāman ko chaak karnā usī se dāman ke chaak siinā

ḳhudā bachā.e to bach sakeñge savāl ab nāḳhudā kā kyā hai

kinārā duur aur thake haiñ baazū ghirā hai tūfān haiñ safīna

jahāñ nahīñ ḳhuun kī zarūrat vahāñ ġhalat nāz-e-sarfaroshī

jo kisht-e-mehnat ko sīñchtā ho lahū se behtar hai vo pasīna

ye saqf-e-dair-o-haram nahīñ hai ye āsmāñ ishq kā hai is par

vahī musāfir qadar uThā.e banā sake jo diloñ ko ziina

ridā-e-zarrin-e-mehr-e-tābāñ ḳhalā meñ hai taar taar jab tak

imaam kī dil kī dhaḌkanoñ se kahānī bantī rahīñ 'mubīna'

uThī pilāne kī rasm 'ehsāñ' to kyoñ na ḳhālī raheñ pyāle

ḳhudā kī barakat hai mai-kade meñ bhare haiñ ḳham aur bharā hai miinā

wahi hai dast-e-junun hamara badalta rahta hai go qarina

usi se daman ko chaak karna usi se daman ke chaak sina

KHuda bachae to bach sakenge sawal ab naKHuda ka kya hai

kinara dur aur thake hain bazu ghira hai tufan hain safina

jahan nahin KHun ki zarurat wahan ghalat naz-e-sarfaroshi

jo kisht-e-mehnat ko sinchta ho lahu se behtar hai wo pasina

ye saqf-e-dair-o-haram nahin hai ye aasman ishq ka hai is par

wahi musafir qadar uThae bana sake jo dilon ko zina

rida-e-zarrin-e-mehr-e-taban KHala mein hai tar tar jab tak

imam ki dil ki dhaDkanon se kahani banti rahin 'mubina'

uThi pilane ki rasm 'ehsan' to kyon na KHali rahen pyale

KHuda ki barakat hai mai-kade mein bhare hain KHam aur bhara hai mina