wahi hon pyar ki raaten wahi hon pyar ke din

vahī hoñ pyaar kī rāteñ vahī hoñ pyaar ke din

mire nasīb se palTeñ jo phir bahār ke din

ye ham se pūchho ki kaise guzārte haiñ ġharīb

firāq-e-yār kī rāteñ talāsh-e-yār ke din

ġhurūr-o-nāz kī rāteñ unheñ mubārak hoñ

phireñge kyā na kabhī mere inkisār ke din

tasavvur-e-shab-e-vā'da 'ajab qayāmat hai

ye maanā saḳht guzarte haiñ intizār ke din

ḳhizāñ-nasīboñ pe yuuñ hañs rahe haiñ ahl-e-tarab

chaman meñ jaise na ā.eñge phir bahār ke din

tabāhiyoñ pe mirī muskurā na ai zālim

na rah sakeñge hamesha tire vaqār ke din

ye maanā aaj jafā-jū ko naaz hai 'ishrat'

kabhī to ā.eñge mere bhī iḳhtiyār ke din

wahi hon pyar ki raaten wahi hon pyar ke din

mere nasib se palTen jo phir bahaar ke din

ye hum se puchho ki kaise guzarte hain gharib

firaq-e-yar ki raaten talash-e-yar ke din

ghurur-o-naz ki raaten unhen mubarak hon

phirenge kya na kabhi mere inkisar ke din

tasawwur-e-shab-e-wa'da 'ajab qayamat hai

ye mana saKHt guzarte hain intizar ke din

KHizan-nasibon pe yun hans rahe hain ahl-e-tarab

chaman mein jaise na aaenge phir bahaar ke din

tabahiyon pe meri muskura na ai zalim

na rah sakenge hamesha tere waqar ke din

ye mana aaj jafa-ju ko naz hai 'ishrat'

kabhi to aaenge mere bhi iKHtiyar ke din