wahi sab se muqaddas muddaa hai

vahī sab se muqaddas mudda.ā hai

jo ab tak an-kahā hai an-sunā hai

jo merā hai vahī us kā ḳhudā hai

vo itnā bhī nahīñ pahchāntā hai

mirī ḳhāmoshiyoñ meñ iltijā hai

samā.at aur suḳhan meñ kyā rakhā hai

vo kuchh aisā hunar bhī jāntā hai

ki duniyā kī nazar meñ pārsā hai

ye dil kā dard sach-much lā-davā hai

asadullāh 'ġhālib' ne kahā hai

ḳhayāloñ kā ik aisā dā.era hai

jahāñ par ibtidā hī ibtidā hai

vo vaise to bahut nādān sā he

mohabbat kī nazar pahchāntā hai

kabhī ham ko mayassar ho na paa.ī

ḳhushī hotī to hai ham ne sunā hai

añdheroñ se kaho mātam manā.eñ

kahīñ koī diyā raushan huā hai

wahi sab se muqaddas muddaa hai

jo ab tak an-kaha hai an-suna hai

jo mera hai wahi us ka KHuda hai

wo itna bhi nahin pahchanta hai

meri KHamoshiyon mein iltija hai

samaat aur suKHan mein kya rakha hai

wo kuchh aisa hunar bhi jaanta hai

ki duniya ki nazar mein parsa hai

ye dil ka dard sach-much la-dawa hai

asadullah 'ghaalib' ne kaha hai

KHayalon ka ek aisa daera hai

jahan par ibtida hi ibtida hai

wo waise to bahut nadan sa he

mohabbat ki nazar pahchanta hai

kabhi hum ko mayassar ho na pai

KHushi hoti to hai hum ne suna hai

andheron se kaho matam manaen

kahin koi diya raushan hua hai