wahi sitara jo bujh gaya ham-safar tha mera

vahī sitāra jo bujh gayā ham-safar thā merā

usī kī samt ek sabz sāhil pe ghar thā merā

maiñ is zamīñ par burīda baazū sisak rahā huuñ

jo uḌ rahā thā havā meñ vo ek par thā merā

vo haath mere jinhoñ ne talvār saunt lī thī

jo ḳhaak o ḳhuuñ meñ luthaḌ gayā thā vo sar thā merā

zamīñ yahāñ se vahāñ talak sabz ho rahī thī

magar jo be-barg-o-bar khaḌā thā shajar thā merā

vahāñ ke ghar to fanā ne ḳhāmosh kar diye the

ajiib sunsān bastiyoñ se guzar thā merā

wahi sitara jo bujh gaya ham-safar tha mera

usi ki samt ek sabz sahil pe ghar tha mera

main is zamin par burida bazu sisak raha hun

jo uD raha tha hawa mein wo ek par tha mera

wo hath mere jinhon ne talwar saunt li thi

jo KHak o KHun mein luthaD gaya tha wo sar tha mera

zamin yahan se wahan talak sabz ho rahi thi

magar jo be-barg-o-bar khaDa tha shajar tha mera

wahan ke ghar to fana ne KHamosh kar diye the

ajib sunsan bastiyon se guzar tha mera