wahi subh ka dhundhalka wahi manzilen wahi shab

vahī sub.h kā dhuñdhalkā vahī manzileñ vahī shab

koī kyā samajh sakegā ġham-e-zindagī kā matlab

mirī be-qarāriyāñ haiñ mirī zindagī kā hāsil

yahī maslak-e-mohabbat yahī ahl-e-dil kā maz.hab

mire ġham kī pursishoñ se unheñ ijtināb kyoñ hai

vo samajh ga.e haiñ shāyad mirī har nazar kā matlab

ġham-e-dil hai rāz-e-hastī na bulandiyāñ na pastī

ye haqīqateñ to samjhā dil-e-be-ḳhabar magar kab

na mirī ḳhizāñ muqarrar na mirī bahār qaa.em

jo mujhe milī hai ye bhī koī zindagī hai yārab

maiñ hadīs-e-ġham sunā.ūñ maiñ vafā kā saaz chheḌūñ

jo zabāñ na khul sakī to jo kisī ne sī diye lab

koī 'hosh' kah sakā hai ġham-e-dil kabhī zabāñ se

vo savāl kar rahe haiñ maiñ kahūñ to kyā kahūñ ab

wahi subh ka dhundhalka wahi manzilen wahi shab

koi kya samajh sakega gham-e-zindagi ka matlab

meri be-qarariyan hain meri zindagi ka hasil

yahi maslak-e-mohabbat yahi ahl-e-dil ka mazhab

mere gham ki pursishon se unhen ijtinab kyon hai

wo samajh gae hain shayad meri har nazar ka matlab

gham-e-dil hai raaz-e-hasti na bulandiyan na pasti

ye haqiqaten to samjha dil-e-be-KHabar magar kab

na meri KHizan muqarrar na meri bahaar qaem

jo mujhe mili hai ye bhi koi zindagi hai yarab

main hadis-e-gham sunaun main wafa ka saz chheDun

jo zaban na khul saki to jo kisi ne si diye lab

koi 'hosh' kah saka hai gham-e-dil kabhi zaban se

wo sawal kar rahe hain main kahun to kya kahun ab