wahi to scene ab chhae hue hain

vahī to scene ab chhā.e hue haiñ

jo tere saath filmā.e hue haiñ

kisī kī aañkh kā ye ḳhārā paanī

samundar bhiik meñ laa.e hue haiñ

badan ko chāñd ne jab se chhuā hai

sitāre ḳhud pe itrā.e hue haiñ

mohabbat aaj bhī zinda hai un se

jo dīvāroñ meñ chunvā.e hue haiñ

tumhāre lams ko paane kī ḳhātir

ham apnī zulf uljhā.e hue haiñ

rakheñ tattō yā ab miTvā deñ is ko

tere jo naam gudvā.e hue haiñ

wahi to scene ab chhae hue hain

jo tere sath filmae hue hain

kisi ki aankh ka ye KHara pani

samundar bhik mein lae hue hain

badan ko chand ne jab se chhua hai

sitare KHud pe itrae hue hain

mohabbat aaj bhi zinda hai un se

jo diwaron mein chunwae hue hain

tumhaare lams ko pane ki KHatir

hum apni zulf uljhae hue hain

rakhen tattoo ya ab miTwa den is ko

tere jo nam gudwae hue hain