wahi to sochun namazen qubul kyon na huin

vahī to sochūñ namāzeñ qubūl kyoñ na huiiñ

mire ḳhayāloñ meñ tū thā ḳhudā to thā hī nahīñ

vo shaḳhs mere liye she'r thā ḳhudā kā likhā

magar vo she'r jo mujh par kabhī khulā hī nahīñ

chalo ye ruuh to kar legī phir bhī koī safar

badan ke paas magar koī rāsta hī nahīñ

vo shaḳhs itnā hasīñ hai ki sochtā huuñ maiñ

vo sirf miTTī havā paanī se banā hī nahīñ

'ajab nahīñ ki maiñ us sānahe pe rotā huuñ

vo sāniha jo mire saath meñ huā hī nahīñ

to kyā bichhaḌ ga.e ham log tum ne aisā kahā

magar bichhaḌne kā ehsās to huā hī nahīñ

wahi to sochun namazen qubul kyon na huin

mere KHayalon mein tu tha KHuda to tha hi nahin

wo shaKHs mere liye she'r tha KHuda ka likha

magar wo she'r jo mujh par kabhi khula hi nahin

chalo ye ruh to kar legi phir bhi koi safar

badan ke pas magar koi rasta hi nahin

wo shaKHs itna hasin hai ki sochta hun main

wo sirf miTTi hawa pani se bana hi nahin

'ajab nahin ki main us sanahe pe rota hun

wo saniha jo mere sath mein hua hi nahin

to kya bichhaD gae hum log tum ne aisa kaha

magar bichhaDne ka ehsas to hua hi nahin